Plantun de Prouvènço

Pèr coumpara dos planto d'encò nostre

Hieracium scorzonerifolium & Myosotis arvensis

Esparello(-di-fueio-d'escoursounèro)

Hieracium scorzonerifolium

Asteraceae Compositae

Nom en français : Épervière à feuilles de scorsonère.

Descripcioun :
Aquesto esparello fai partido dóu group VILLOSA, planto proun pelouso e presento au nostre soulamen en mountagno. Lou maje biais de la recounèisse èi li fueio d'en aut de la tijo en embut (fotò). A proun de péu sus l'enflourejado, mai pas gaire sus la cambo e li fueio. Li bratèio dóu deforo de la flour coumpausado soun tant espèsso e pas mai qu'aquéli de dedins. Trachis dins li tepiero roucaiouso e li roucaio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dis Aup

Liò : Auto mountagno - Mountagno mejano - Roucas
Estànci : Mountagnard à Aupen
Couroulougi : Pancaro entresigna
Ref. sc. : Hieracium scorzonerifolium Vill., 1779

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").